अहिले तरंगमा

केहि छिनमा

bhajan

समाचार

स्पेन भर्सेस रुस स् अनुभव र साहसको भिडन्त

news

 
 असार १७,
सन् २०१० को विश्व विजेता स्पेनले समूह चरणमा आश्चर्यजनक रुपमा इरान र मोरक्कोबिरद्ध संघर्ष गर्नुपरेको थियो । मोरक्कोसँगको खेलमा डेभिड डि जियाले गम्भीर त्रुटी गरे पनि डिएगो कोष्टाले स्पेनको उद्धार गरेका थिए । स्पेनिस टोलीमा इस्को असाधारण देखिन्छन् । र, यही स्पेनले घरेलु टोली रुससँग लुज्निकी रंगशालामा प्रतिस्पर्धा गर्दैछ ।
 
यता सुरुवाती दुई खेलमा साउदी अरब र इजिप्टविरुद्ध शानदार देखिएको रुसले आफ्नो वास्तविक परीक्षा अर्थात उरुग्वेविरुद्धको खेलमा खरो उत्रन सकेन । विशेष गरी टिममा त्यस्ता जिम्मेवार प्रतिभा देखिएनन् जसले दवाव थेग्न सकुन् ।
 
रुसका स्ट्राइकर अर्तिम ज्युवाले स्पेनविरुद्धको अन्तिम १६ को प्रतिस्पर्धा सुरु हुनुअघि भनेका छन् कि आफ्नो टोली विश्वकप यात्रामा साहसी अण्डरडगको रुपमा प्रस्तुत हुनेछ ।
 
ज्युवा स्टानिलाभ चर्चेसोभको टोली रुसका मुख्य हतियार हुन्, जसले पहिलो खेलमा साउदी अरव र दोस्रो खेलमा इजिप्टविरुद्ध गोल गरेका थिए ।
 
समूह चरणको अन्तिम खेलमा उरुग्वेसँग ३–० ले पराजित भएपछि अगाडिका खेलहरुमा रुसको उत्साह कमजोर भएको छ । यद्यपी स्टार खेलाडीहरुले भरिएको स्पेनिस टोली बलियो रहेको ज्युवाले स्वीकार गरेका छन् । उनले भनेका छन् कि यो उनीहरुका लागि बलियो प्रतिस्पर्धी हो ।
 
‘३२ वर्षमा पहिलो पटक हामी नकआउट चरणमा पुगेका छौं ।’ उनले भने, ‘हेर्नुहोला कि हामी के गर्न सक्छौं । हाम्रो लागि यो खेल बक्सिङ फाइटजस्तो हो । एकातर्फ युवा र साहसी व्यक्ति र अर्कोतर्फ अनुभवी सेनानी । हेरौं, कसले जित्छ ।’

अभिलेखालय

  • कार्यक्रम विचार मन्थन

  • लालुपाते फुलेर लाल भयो

  • बसन्त नै बस्न खोज्दछ...