रेडियो आँधीखोला,

वालिङ ११ भदौ ।

प्रहरीले अवैध रुपमा खसीबोका ओसारपसार गर्ने जिपलाई कारबाही गरेको छ । प्रहरी चौकी बिरूवाअर्चले, स्याङ्जाबाट प्र.स.नि टिका सुबेदीको कमाण्डमा खटिएको गस्ति टोलीले बिरुवा ४ बाँहु देखी स्याङ्जा सदरमुकाम तर्फ आउँदै गरेको ग. ३ च. ३१८४ नम्बरको बोलेरो जिप चेकजाँच गर्ने क्रममा पालिकामा बुझाउनु पर्ने निकासी कर नतिरी ३२ वटा खसि बोका ओसार–पसार गरेको फेला पारेको थियो । उक्त जीपलाई नियन्त्रणमा लिई आवश्यक कानूनी कारवाहीको लागि बिरूवा गाउँपालिकाको कार्यालयमा बुझाइएकोमा पाँच हजार छ सय जरिवाना गरी छाडेको प्रहरीले जनाएको छ ।