रेडियो आँधीखोला

वालिङ,१० फाल्गुन 

प्रतिनिधिसभाका सभामुख देवराज घिमिरेले आँफू अहिले निर्णायकको भूमिकामा रहेकाले अब्बल निर्णायक भएर देखाउने बताउनुभएको छ । स्याङ्जाको कालीगण्डकी गाउँपालिकाद्वारा आज मिर्मीमा आयोजित खेलकुद महोत्सव एवं अध्यक्ष कप प्रतियोगिता २०७९ को उद्घाटन गर्दै उहाँले निश्पक्षताकासाथ अब्बल निर्णायकको भूमिका निर्वाह गर्ने बताउनुभएको हो ।

प्रतिनिधिसभाको समामुखको भूमिकामा आँफू रहेसँगै निश्पक्षताकासाथ भूमिका निर्वाह होस् भन्ने धेरैको कामना रहेको बताउँदै उहाँले आँफू त्यो भूमिकामा अब्बल भएर देखाउने बताउनुभएको हो ।

“म अहिले एम्पाएरको भूमिकामा छु र अब्बल एम्पाएर भएर देखाउने छु” उहाँले भन्नुभयो, “तर त्यसकालागि खेलाडी र टिमले राम्रो खेल प्रदर्शन गरेर बिजयी हासिल गर्ने काम टिम र खेलाडीमाथि भर पर्छ ।”

जनताले गरेका अपेक्षाहरु पूरा गर्नकालागि तयार रहेको उहाँले बताउनुभयो । भौतिक पूर्वाधारहरु, बाटोघाटो, खेलमैदानको विकास तथा संस्कार संस्कृतिहरुको संरक्षण र प्रवद्र्धनमा यहाँका स्थानीयले आँफूप्रति राखेको अपेक्षा पूरा गर्नकालागि सहजीकरण गर्ने उहाँले बताउनुभयो ।

खेल जीवनको अभिन्न अंग, जीविकाको आधार तथा राष्ट्रकै पहिचान बनाउनकालागि आधार बन्न सक्ने भएकाले यसलाई ब्यवसायिकतातर्फ जोड्दै जानुपर्नेमा जोड दिनुभयो ।

गण्डकी प्रदेशसभा सदस्य महेश भट्टराई, निर्मला थापा, निवर्तमान प्रदेशसभा सदस्य मोहन रेग्मी, गाउँपालिकाका अध्यक्ष खिमबहादुर थापा, उपाध्यक्ष साबित्रा कोईराला लगायतले प्रतियोगिताको सफलता साथै निरन्तरताकालागि शुभकामना ब्यक्त गर्नुभएको थियो । 

 

२१ करोड ५७ लाखको लागतमा निर्माण हुन लागेको १५ शैयाको कालीगण्डकी अस्पताल २०८१ कार्तिक मसान्त सम्म आरएनसिएस विकोन जेभीले सम्पन्न गर्नुपर्नेछ । यो अस्पताल सम्पन्न हुंदा स्याङजा सहित छिमेकी जिल्ला पर्वत र गुल्मीका सेवाग्राही प्रत्यक्ष लाभान्वित हुनेछन् । कार्यक्रममा गण्डकी प्रदेशसभा सदस्य महेश भट्टराई, निर्मला थापा, निवर्तमान प्रदेशसभा सदस्य मोहन रेग्मी, गाउँपालिकाका अध्यक्ष खिमबहादुर थापा, उपाध्यक्ष साबित्रा कोईराला लगायतले प्रतियोगिताको सफलता साथै निरन्तरताकालागि शुभकामना ब्यक्त गर्नुभएको थियो । 

यस्तै आजै उद्घाटन भएको अघ्यक्ष कपमा १९ विधाका खेल संचालन गरीएको छ । पालिका स्तरीय खेलमा पहिलोपटक यती धेरै खेलकुदका विधा समेटीएको कालीगण्डकी गाउककंपालिकाका अध्यक्ष खिम बहादुर थापाले बताउनुभयो । 

उक्त कार्यक्रममा कालिगण्डकी २ लसर्घाले संरक्षण गरेको लोपोन्मुख जिउमामा नृत्य प्रस्तुत गरीएको थियो । उद्घाटनकै अवसरमा पालिका झण्डा निर्माता मदन भट्राई , पालिका निशान छाप निर्माता रितीजा क्षेष्ठलाई जनही ५० हजार सहित सम्मान गरिएको छ । नवौं राष्ट्रिय खेलकुदमा कालिगण्डकीबाट प्रतिनिधित्व गरेर विभिन्न पदक जित्ने खेलाडीलाई नगद सहित सम्मान गरिएको थियो ।  ंपालिकाले खेलकुदमा ठुलो लगानी गरेको कारण धेरै खेलाडीहरू राष्ट्रिय तथा प्रादेशीक खेलकुदमा समावेश भएका छन् भने युवा पुस्तामा खेलकुदको आकर्षण बढेको छ ।