रेडियो आँधीखोला 

वालिङ, १४ फाल्गुन ।

आँधीखोलाको नवौँ हप्ता समेत सरसफाई गरिएको छ । आँधीखोला संरक्षण तथा सरसफाई अभियान अन्र्तगत आज नवाँैँ हप्ता पनि सरसफाई गरिएको हो । आँधीखोला संरक्षण सरोकार मञ्चको अगुवाईमा विगत दुई महिनादेखि हरेक हप्ता सरसफाई गरिँदै आईएको मंचका प्रकाश अर्यालले बताउनुभयो । 

नवौँ हप्ता अन्र्तगत वालिङ खेलमैदानमा रहेका गुरुङ समाज, मगर समाज, कुँवर समाज र नेवार समाज भवन पछाडि सरसफाई गरिएको अर्यालले बताउनुभयो । सरसफाईमा रिद्धि सिद्धि बचत तथा ऋण सहकारी, भिमटारी युवा क्लब, सुरक्षा, निकाय तथा आम सर्वसाधारणको सहभागिता रहेको थियो । आँधीखोलाको सभ्यता तथा ऐतिहासिक महत्वलाई संरक्षण गर्न र खोलामा रहेका जलचर प्राणीको रक्षा गर्न तथा वातावरणीय सरसफाईका निमित्त आँधीखोला सफाई अपरिहार्य रहेको  छ । साथै विभिन्न जातिय समाज भवन पछाडि परिसरका फोहोरहरु सम्बन्धीत समाजले नै सफा गर्ने प्रतिवद्धता समेत जनाएका छन् ।