रेडियो आँधीखाला

वालिङ, ३० भाद्र ।

वालिङमा अन्तर विद्यालय स्तरीय फुटसल प्रतियोगिता सम्पन्न भएको छ । स्पन्दन युनाईटेड क्लब भकुण्डेको आयोजनामा अन्तर विद्यालय स्तरीय प्रतियोगिता गरिएको हो । कार्यक्रमको उद्दघाटन गर्दै उपप्रमुख कविता तिवारीले खेलले बालबालिकाहरुको शारिरिक तथा मानसिक विकास गर्ने बताउँदै विद्यार्थीलाई किताबी ज्ञानको अलावा यस्ता खेलकुद प्रतियोगितामा समेत सक्रिय राख्नुपर्ने बताउनुभयो । साथै उपप्रमख तिवारीले खेल तथा खेलाडिको व्यवसायिक विकासका लागी नगरपालिकाले उचित योजना बनाएर अगाडि बढ्ने बताउनुभयो । 

वालिङलाई खेलकुदको उद्दगम स्थल बनाउनका लागी यस्तै प्रतियोगिताले सहयोग गर्ने भन्दै यस्ता अतिरिक्त क्रियाकलापमा क्रियाशिल हुन क्लबहरुलाई आग्रह गर्नुभयो । 

प्रतियोगिताको उपाधि बाल विद्या विकास मावि वालिङले जितको छ । फाइनल खेलमा प्रतिस्पर्धा गरेको भुपु कम्युनिटी एकेडेमी बयरघारीलाई ५–० गोलले हराउँदै बाल विद्याले उपाधि जितेको हो । उपाधि सहित बाल विद्याले १० हजार शिल्ड, मेडल प्रमाणपत्र प्राप्त गरेको छ । भने उपविजेता भुपु कम्युनिटी एकेडेमी बयरघारीले ५ हजार शिल्ड, मेडल प्रमाणपत्र प्राप्त गरेको छ । प्रतियोगितामा ११ गोल ल्याउँदै भुपु कम्युनिटी एकेडेमी बयरघारीका दिप्सन गुरुङ हाई स्कोर, वेस्ट प्लेयर बाल बिद्याका सिजन सारु, डिफेन्सर बाल बिद्याकै कल्याण खाँण, मिट फिल्डरमा विनोद गुरुङ र किपरमा सुसन कोइराला घोषित भएका छन ।