समाचार
अवैध नदिजन्य पदार्थ ढुंगा, बालुवा उत्खनन तथा लोड गर्ने
रेडियो आँधीखोला,
वालिङ २१ भदौ ।
प्रहरीले आँधीखोला किनारबाट अवैध नदिजन्य पदार्थ ढुंगा, बालुवा उत्खनन तथा लोड गर्ने ट्याक्टरहरुलाई नियन्त्रणमा लिएको छ । पुतलीबजार ०१ मालेबगर स्थित पुल नजिकै आँधिखोला किनारबाट ग. १ त. ६६७५ र ग. १ त. ४०२३ नम्बरको ट्याक्टरमा ढुङ्गा लोड गरिरहेको अवस्थामा प्रहरीले ट्याक्टरलाई नियन्त्रणमा हो ।
त्यस्तै दहथुम प्रहरी चौकीबाट खटिएको प्रहरी टोलीले भिरकोट–०७ बलमाट स्थित ग. १ त. ६५३३ नम्बरको ट्याक्टरले बालुवा ओसार–पसार गरेको अवस्थामा फेला पारी उक्त ट्याक्टरलाई पनि नियन्त्रणमा लिएको जिल्ला प्रहरी कार्यालय स्याङ्जाले जनाएको छ । पछिल्लो समय प्रहरीले अवैध नदिजन्य पदार्थ उत्खनन तथा ओसारपसारमा संलग्न सवारीलाई नियन्त्रणमा लिने कार्यलाई कडाका साथ लिएको छ।
