समाचार
कर्तव्य ज्यान मुद्दाका फरार प्रतिवादी पक्राउ ।
रेडियो आँधीखोला,
वालिङ १९ पुस ।
जिल्ला प्रहरी कार्यालय स्याङ्जाले कर्तव्य ज्यान मुद्धाका फरार प्रतिवादीलाई पक्राउ गरेको छ । पुतलीबजार नगरपालिका वडा नम्बर–१३ बस्ने १५ वर्षीया वालिकाको मृत्यु भएको घटनामा संलग्न सोहि स्थान घर भई हाल पोखरा २७ बिरौटा बस्दै आएका ४४ वर्षीइ राजेन्द्रप्रसाद तिवारीलाई प्रहरीले पक्राउ गरकोे हो ।
घटना सम्बन्धमा प्राप्त जाहेरीको आधारमा प्रहरीले लुकिछिपी बसेको अवस्थामा गण्डकी प्रदेश प्रहरी कार्यालय पोखरा, कास्की र जिल्ला प्रहरी कार्यालयस्याङ्जाबाट खटिएको संयुक्त प्रहरी टोलीले विरौटाबाट पक्राउ गरेको हो । तिवारीलाई ज्यानसम्बन्धी कसूर मुद्दा (कर्तव्य ज्यान) मा जिल्ला अदालतबाट दिन ७ (सात) म्याद थप अनुमति लिई थप अनुसन्धान प्रक्रिया अगाडि बढाईएको जिल्ला प्रहरी कार्यालय स्याङ्जाले जनाएको छ ।
