समाचार
खड्काको घरपरिवारलाई आर्थिक सहयोग
रेडियो आँधीखोला
वालिङ, २ मंसिर ।
स्याङजा सहयोग समाज अन्तराष्ट्रि समन्वय समितिले युएईमा निधन भएका आँधिखोला गाउँपालिका २ ओहीयाका सागर खड्काको घरपरिवारलाई आर्थिक सहयोग गरेको छ । समाजले युएईमा हृदयघातका कारण निधन भएका खड्काको परिवारलाई ७८ हजार आर्थिक सहयोग गरेको हो । समाजले जापान समाजका अध्यक्ष वेद कार्कीद्धारा संकलीत २१ हजार, स्याङजा सहयोग समाज युएईले २५ हजार, आईसीसीको २५ हजार र अन्य व्यक्तीहरुबाट ७ हजार गरी ७८ हजार सहयोग गरेको संस्थाका कोषाध्यक्ष चिरन्जीवी ढकालले जानकारी दिनुभयो ।
सहयोग हस्तान्तरण गर्दै स्याङजा सहयोग समाज अन्तराष्ट्रि समन्वय समितिका अध्यक्ष मिन बहादुर क्षेत्रीले यस्तो घटना सबैलाई पर्ने हुदाँ समालिनुको विकल्प नरहेको बताउनुभयो । मृतक खड्काको बैकुण्डमा बासको कामना सहित सोकाकुल घरपरिवारमा धैर्य गर्ने क्षमता पशुपतिनाथले प्रदान गर्ने उहाँले कामना गर्नुभयो । सहयोग हस्तान्तरण कार्यत्रममा प्रा.डा दिलबहादुर क्षेत्रीले यस्तोबेला सबैले सहयोग गर्नुपर्ने धारणा व्यक्त गर्नुभयो । खड्काको यहि कार्तिक १० गते ३२ वर्षको उमेरमा ह्रृदयघातका कारण निधन भएको थियो ।