समाचार
आज मंगल ग्रह पृथ्वीबाट सबैभन्दा ठूलो देखिने
असोज २७, २०७७ मंगलबार काठमाण्डौ
आज मंगल ग्रह पृथ्वीबाट सबैभन्दा ठूलो देखिने भएको छ ।
आज राति मंगल ग्रह पृथ्वी र सूर्यको सिधा रहने भएकाे अमेरिकी अन्तरिक्ष एजेन्सी नासाले जानकारी दिएको छ । मतलब तीनै ग्रह १८० डिग्री कोणमा हुनेछन् । यो घटनालाई खगोलशास्त्रको भाषामा मंगल ग्रहको ‘अपोजिशन’ भनिन्छ । मंगल ग्रहको अपोजिशनको घटना प्रत्यक दुई वर्षमा हुन्छ ।
आज राति नजिक देखिने पृथ्वी र मंगल ग्रह अब सन् २०२२ को डिसेम्बरअघि नजिक देखिने छैनन् । अपोजिशनको खगोलीय घटना आज राति हुने भए पनि गएको मंगलबार ६ अक्टोबरमा नै मंगल ग्रह पृथ्वीको सबैभन्दा नजिक आएको थियो ।
