समाचार
राष्ट्रिय महिला लिग फुटबलमा आज दुई खेल हुँदै
माघ २५, २०७७ आइतबार
काठमाण्डाै - राष्ट्रिय महिला लिग फुटबलमा आज दुई खेल हुँदैछन् ।
पहिलो खेलमा विराटनगर महानगरपालिका र चन्द्रपुर नगरपालिका खेल्दै छन् ।
खेल दिउँसो १२ बजे एन्फा कम्पलेक्स सातदोबाटोमा हुनेछ । विराटनगर ६ खेलमा १० अंक जोडेर तेस्रो स्थानमा छ भने चन्द्रपुर ६ खेलमा ३ अंक जोडेर छैठाैँ स्थानमा छ ।
प्रतियोगिता अन्तर्गत आजै हुने अर्को खेलमा नेपाल पुलिस क्लब र वालिङ नगरपालिका स्याङ्जा खेल्ने छन् ।
यो खेल दिउँसो ३ बजे हुनेछ । पुलिस ८ अंक जोडेर लिगको चौंथो स्थानमा छ भने वालिङ ८ अंक जोडेर पाँचौं स्थानमा रहेको छ ।
