समाचार
युरोकपको लागि रोनाल्डोको कप्तानीमा पोर्चुगलको २६ सदस्यीय टिम घोषणा
जेठ ७, २०७८ शुक्रबार
काठमाण्डाै - आउँदो महिना हुने युरोकप फुटबलको लागि पोर्चुगलले टिमको घोषणा गरेको छ ।
मुख्य प्रशिक्षक फर्नान्डो सान्तोसले घोषणा गरेको २६ सदस्यीय टोलीको नेतृत्व क्रिष्टियानो रोनाल्डोले गर्नेछन् ।
रोनाल्डोका मुख्य सहयोगी मानिएका ब्रुनाे फर्नान्डेज, बर्नार्डो सिल्भा, डिएगो जोता लगायतका खेलाडी टिममा रहेका छन् ।
टिमको गोलकिपरमा तीन जना खेलाडीको नाम रहेको छ । यस्तै सात जना रक्षक रहेका छन् । मिडफिल्डरमा र फरवार्डमा आठ जना रहेका छन् । समूह एफमा रहेको पोर्चुगलले बलियाे मानिएका हङ्गेरी, फ्रान्स र जर्मनीको सामना गर्नुपर्नेछ ।
युरोकप जुन ११ तारिखदेखि हुनेछ । यस पटकको युरोकप युरोपका विभिन्न ११ वटा सहरमा हुँदैछ ।
