आवश्यक कानुनी प्रक्रिया पूरा गरी कान्ति बाल अस्पताल, धुलिखेल अस्पताल, नेपालगञ्ज मेडिकल कलेज र वीपी कोइराला स्वास्थ्य विज्ञान प्रतिष्ठान धरानमा अनुसन्धान गरिने नेपाल स्वास्थ्य अनुसन्धान परिषद्ले जनाएको छ । झण्डै तीन हजार स्वंयसेवकमा खोप परिक्षण गर्ने तयारी छ।

स्वास्थ्य मन्त्रालय र नेपाल स्वास्थ्य अनुसन्धान परिषद्को सिफारिसमा गएको बिहीवार बसेको मन्त्रिपरिषद् बैठकले हैजा खोपको क्लिनिकल ट्रायल गर्न अनुमति दिने निर्णय गरेको थियो । यो खोप सङ्क्रामक रोगबाट सुरक्षित बनाउन विकास गरिएको नयाँ प्रविधिको खोप रहेको नेपाल स्वास्थ्य अनुसन्धान परिषद्का कार्यकारी प्रमुख डाक्टर प्रदीप ज्ञवालीले बताउनुभयो ।

शरीरका कोषलाई भाइरस वा जीवाणुसँग लड्न आवश्यक रोग प्रतिरोधात्मक क्षमता विकास गर्न प्रोटिन बनाउने उहाँको भनाइ छ । नेपाल हैजाको उच्च जोखिममा रहेको छ । सरकारले सन् २०२२ सम्म हैजा नियन्त्रण गर्ने नीति लिएको छ ।