समाचार
टर्कीका राष्ट्रपति झण्डै एक दशकपछि यूएईको भ्रमणमा
फागुन ३, टर्कीका राष्ट्रपति रेसेप तयप एर्दोगानले संयुक्त अरब इमिरेट्स यूएईको भ्रमण गर्नुभएको छ ।
झण्डै एक दशकपछि टर्कीका राष्ट्रपतिले यूएई भ्रमण गरेकाले यो भ्रमणलाई निक्कै महत्त्वका साथ हेरिएको छ ।
दुई दिने भ्रमणका क्रममा राष्ट्रपति एर्दोगानले अरब क्षेत्रका विभिन्न विषयसँगै अन्तर्राष्ट्रिय तथा क्षेत्रीय र आपसी दुई पक्षीय विषयमा छलफल गर्ने समाचार संस्था एएफपीले जनाएको छ ।
अहिलेको भ्रमणले दुई देशबीचको सम्बन्ध अझ राम्रो बनाउन ठूलो सहयोग हुने विश्वास लिएको र दुई देशको सम्बन्धमा नयाँ युग सुरु हुने राष्ट्रपति एर्दोगानले बताउनुभएको छ ।
टर्कीको उच्चस्तरीय सरकारी टोलीले यसअघि सन् २०१३ मा यूएईको भ्रमण गरेको थियो ।
