समाचार
लियो क्लब अफ वालिङ सिटीको अध्यक्षमा लियो किशोर बस्याल निर्वाचित
आँधीखोला खबर
वालिङ, १६ चैत्र ।
लियो क्लब अफ वालिङ सिटीको अध्यक्षमा लियो किशोर बस्याल निर्वाचित भएका छन । लियो क्लब अफ वालिङको चौथो साधारणसभा तथा अधिबेशनबाट लायन बर्ष २०२३÷२४ को लागि अध्यक्ष लियो किशोर बस्याल , प्रथम उपाध्यक्ष लियो संजोग थापा , द्वितीय उपाध्यक्ष लियो हरि रेग्मि तृतीय उपाध्यक्ष लियो समिर श्रेष्ठ निर्वाचित भएका छन् ।
अध्यक्षमा लियो किशोर बस्याल, सचिबमा लियो राज भट्टराई, कोषाध्यक्षमा लियो प्रकृती श्रेष्ठ मनोनीत भएका छन् । लियो क्लब अफ वालिङ सिटी सन् २०१९ मा स्थापना भै सामाजिक जनचेतनामूलक सन्देशमुलक कार्य सहित रचनात्मक कार्यगर्दै आएको र आगामी वर्ष पनि निरन्तरता पाउने बिश्वास लिएको लायन्स क्लब अन्तर्राष्ट्रिय ३२५ एम नेपाल डिपार्टमेन्ट चिफ लायन चेतनारायण श्रेष्ठले बताउनु भयो ।
कार्यक्रममा रिजन चिफ लायन कबिता भुसाल, लियो जिल्ला परिषद ३२५ एम का सचिब लियो दिक्षान्त प्रताप खाँण लगायतले आफ्नो मन्तव्य राख्नु भएको थियो । कार्यक्रमको अध्यक्षता लियो सुमना लामिछाने, संचालन लियो किशोर बस्याल र स्वागत लियो संजोग थापाले गर्नुभएको थियो । कार्यक्रमको जानकारी लियो राज भट्टराईले दिनुभएको थियो ।
