समाचार
प्रजिअ नेपाल र पत्रकारबीच भेटघाट
रेडियो आँधीखोला
वालिङ, १९ पौष ।
प्रमखु जिल्ला अधिकारी सुनिता नेपालले स्याङ्जामा रहेका क्रियाशिल पत्रकारहरुसंग भेटघाट तथा अन्र्तक्रिया गर्नुभएको छ । आज स्याङ्जाको जिल्ला प्रशासन कार्यालयमा आयोजित कार्यक्रममा पत्रकार महासंघका अध्यक्ष श्रीकृष्ण सिग्देल, निर्वतमान अध्यक्ष ओमप्रकाश शर्मालगायतले जिल्लाको वस्तुस्थितिका बारेमा जानकारी गराउनुभयो ।
कार्यक्रममा निर्वतमान अध्यक्ष शर्माले स्याङ्जामा पत्रकारिताको विगतदेखि वर्तमान सम्मको अवस्थाको बारेमा जानकारी गराउँदै जिल्लाको विकास र समृद्धिका लागी पत्रकारहरुको महत्वपुर्ण भुमिका रहेको बताउनुभयो ।
कार्यक्रममा पछिल्लो समय देखिएको सहकारी बेतिथि, अवैध क्रसर उद्योग सञ्चालन, लागू पदार्थको ट्रान्जिट पोईन्टको रुपमा देखिएको सिद्धार्थ राजमार्गलगायतका विषयमा समेत कार्यक्रममा चर्चा गरिएको थियो । कार्यक्रममा प्रमुख जिल्ला अधिकारी नेपालले बेतिथि र विसंगतिलाई उजागर गर्न पत्रकारहरुको सक्रिय भुमिका रहेको भन्दै जिल्ला शान्ति सुरक्षा, अमनचयनका लागी जिल्ला स्थित, पत्रकार, स्थानीय तह, नागरिक समाजलगायत सरोकारवालासंग हातेमालो गर्दै अगाडि बढ्ने बताउनुभयो ।
पुलिस प्रशासनसंग भन्न नसक्ने कतिपय विषयहरु पत्रकारहरुद्धारा बाहिर आउने भन्दै जिल्लाको अमनचयनका लागी त्यस्ता समस्याहरुलाई उठान गर्न उहाँले आग्रह समेत गर्नुभयो । १९ वर्षसम्म सरकारी सेवामा सेवारत नेपालले आफ्नो स्याङ्जा बसाई फलदायी र महत्वपुर्ण बन्ने अपेक्षा गर्नुभएको छ ।
