समाचार
चापाकोटमा आगोलागी हुँदा साढे दुई लाखको क्षति
रेडियो आँधीखोला
वालिङ, ६ चैत ।
स्याङ्जाको चापाकोट न.पा. –५ सिममा मंगलबार विहान आगोलागी हुँदा साढे दुई लाखको क्षति भएको छ । चापाकोट ५ बस्ने बर्ष ५२ को होम बहादुर आलेको टिनले छाएको बाख्राको खोरमा बिद्युत सर्ट भई आगोलागी हुँदा बाख्रा र कुखुरा जलेर मरेका हुन् । बाख्राको खोरमा रहेको १६ वटा बाख्रा सोही खोरको अर्को कोठामा रहेको ५० वटा कुखुरा मरेको हो ।
जिल्ला प्रहरी कार्यालय स्याङ्जाका प्रहरी नायव उपरिक्षक इन्द्रबहादुर रानाका अनुसार आगोलागीबाट अन्दाजी २ लाख पचास हजारको क्षति भएको हो । आगो स्थानीय, प्रहरीको सहायताले नियन्त्रणमा लिएपछि अन्य थप क्षति हुनबाट जोगिएको प्रहरीले जनाएको छ ।
