समाचार
चिराग आवासीय मावीको अध्यक्षमा पुनः श्रेष्ठ
वालिङ, ८ फागुन ।
चिराग आवासीय मावीको ११ औं अबिधेशनबाट अध्यक्षमा फेरि पनि गंगाप्रसाद श्रेष्ठ चयन हुनुभएको छ । स्याङ्जाको गल्याङ नगरपालिका तीन गल्याङबजारमा रहेको चिराग आवासीय माध्यमिक विद्यालयको ११ औँ साधारण सभा तथा अधिबेशनले श्रेष्ठलाई फेरि पनि अध्यक्षमा चयन गरेको हो ।
यस्तै, विद्यालय संचालक समितिका सदस्यहरुमा छबि लाल भुसाल, किसान श्रेष्ठ, सुमित्रा खड्का, बिष्णु प्रसाद पाठक, टोम प्रसाद भुसाल, जय सिङ राना, केशब राज न्यौपाने र बुद्धि सागर न्यौपाने चयन हुनुभएको छ । विद्यालयमा सम्पन्न साधारणसभा तथा अधिबेशनबाट नवनिर्वाचित संचालक समिति सर्बसम्मत चयन भएको हो । चिराग आवासीय माध्यमिक विद्यालय गल्याङ नगरपालिकाको मात्रै नभई स्याङ्जाकै अग्रणी नतिजा दिने शिक्षण संस्थाको रुपमा रहेको छ ।
