समाचार
वालिङबाट लागुऔषधसहित एक युवक पक्राउ
वालिङ, १४ फागुन ।
वालिङ नगरपालिका ८ फुलबारीबाट नियन्त्रित लागुऔषधसहित मंगलबार बिहान एक युवक पक्राउ परेका छन् । पक्राउ पर्नेमा कास्की पोखरा महानगरपालिका २९ बस्ने २० वर्षीय शंकर भन्ने संजोक गुरुङ रहेको जिल्ला प्रहरी कार्यालय स्याङ्जाका सुचना अधिकारी प्रहरी नायव उपरीक्षक हरिप्रसाद पौडेलले जानकारी दिनुभयो ।
सिद्धार्थ राजमार्गमा वडा प्रहरी कार्यालय वालिङबाट खटिएको प्रहरी टोलीले सवारी साधनहरु चेक जाँच गर्ने क्रममा बुटवलबाट बागलुङतर्फ जाँदै गरेको ना ५ ख ६६२९ नम्बरको बसमा सवार गुरुङलाई नियन्त्रित लागुऔषसहित पक्राउ गरेको हो ।उनको साथबाट डाईजेपाम ४५, नुर्फिन ४५, एम्पुल र फेनारागन ४५एम्पुल गरी जम्मा १३५ एम्पुल नियन्त्रित लागुऔषध बरामद गरेको सुचना अधिकारी पौडेलले जानकारी दिनुभयो । यस सम्बन्धमा प्रहरीले थप अनुसन्धान गरिरहेको जनाएको छ ।
