समाचार
चापाकोटमा १३ औँ राष्ट्रपतिकप हुने
वालिङ, १८ जेठ ।
चापाकोट नगरपालिका १० सुन्तलीटारमा जिल्लला स्तरिय १३ औँ राष्ट्रपतिकप खेलकुद प्रतियोगिता हुने भएको छ । जेठ १९ बाट २१ गते सम्म जिल्ला खेलकुद विकास समिति स्याङ्जाको आयोजनामा सुन्तलीटार
खेल मैदानमा प्रतियोगिता हुने समितिका अध्यक्ष प्रकाश रेग्मीले जानाकारी दिनुभयो ।
प्रदेश खेलकुद विकास समितिले चाडो निर्णय गर्दा जिल्लालाई समस्या परेको र निर्णय गरेसँगै खेलकुदको तयारी गरेको रेग्मीले बताउनुभयो । प्रतियोगितामा १००, २००, ४००, ८००, १५००, ३००० मिटर दौड, हाइजम्प, लङजम्प, त्रिपलजम्प, सटपुट, ज्याब्लिङ थ्रो, भलिबल, कबड्डी र रिले गरी ३० स्वर्ण, ३० रजत र ३० कास्यमा प्रतिस्पर्धा हुने छ ।
११ पालिका रहेको स्याङ्जाको पालिका स्तरीय खेलकुद गरेका १० पालिकाको सहभागिता रहने र पाँच सय भन्दा धेरै खेलाडी सहभागि रहने रेग्मीले बताउनुभयो । यहाँबाट व्यक्तिगत प्रतिस्पर्धामा प्रथम र गु्रप खेलमा उत्कृष्ठ खेलाडी यही जेठ २२ गतेबाट गोरखामा हुने प्रदेश स्तरीय राष्ट्रपतिकप खेलकुदमा सहभागिता जनाउने छन् ।
