वालिङ, २६ जेठ । 

गल्याङमा ३ दिने उद्घोषण तथा क्षमता विकास तालीमको दोस्रो दिन आइतबार नेतृत्व विकास र सकारात्मक सोंचसम्बन्धी प्रशिक्षण दिईएको छ । महिला शसक्तिकरणका लागि गल्याङ ९ नं वडा कार्यालयको आयोजनामा शनिबारबाट सुरु भएको तालिममा हिजो दोस्रो दिन रेडियो आँधीखोलाका अध्यक्ष शान्ता थापाले नेतृत्व विकाससम्बन्धी र गल्याङ एफएमका स्टेशन म्यानेजर केपी खनालले सकारात्मक सोंचसम्बन्धी विषयमा प्रशिक्षण दिनुभएको हो । ९ नं. वडा कार्यालय भवन टेक्रेमा सञ्चालन भईरहेको तालिममा वडा नं ९ भित्रका एकसय जना महिलाहरुको सहभागिता रहेको छ । तालिम भोलि सकिने छ ।