समाचार
गौशाला चलाउन सांस्कृतिक कार्यक्रम
रेडियो आँधीखोला,
वालिङ १३ मंसिर ।
स्याङ्जाको वालिङ नगरपालिका–८ काफलडाँडा रहेको धुनी शिवालय फूलबारी गुठि गौशाला आश्रमको दिगो व्यवस्थापनका लागी वालिङमा लोक सांस्कृतिक कार्यक्रम आयोजना गरिएको छ ।
धुनी शिवालय गौशालाको आयोजना, इलेक्ट्रिकल एण्ड कनेक्टिङ वेल कम्पनीको मुख्य प्रायोजन र राष्ट्रिय लोक दोहोरी प्रतिष्ठानको सहआयोजनामा चर्चित कार्यक्रम ईन्द्रेणी टिम तथा राष्ट्रिय ख्याती प्राप्त गायक गायिकाहरुको प्रस्तुति सहितको सांस्कृतिक कार्यक्रम शुक्रबार वालिङ खेलमैदानमा गरिएको हो । कार्यक्रममा दर्शकहरुको उत्साहजनक सहभागिता रहेको थियो ।
छाडा चौपाया व्यवस्थापनका उद्देश्यले २०७६ सालमा स्थापना गरिएको गौशालामा अहिलेसम्म १७५ वटा गाईहरु छन् । गौशालालाई व्यवस्थित र दीगो बनाउने लक्ष्यसहित सांस्कृतिक कार्यक्रम आयोजना गरिएको हो ।
