रेडियो आँधीखोला

वालिङ, ३० फागुन । 

वालिङ नगरपालिका अन्र्तगत रहेका १०१ सहकारी मध्ये ३९ सहकारीले मात्रै अद्यावधिक गरेका छन् । वालिङमा केन्द्र र प्रदेश मातहतका अन्य सहकारीहरु रहेपनि उक्त सहकारीले सम्बन्धीत स्थानमै अद्यावधिक गर्नुपर्नेछ । वालिङ नगरपालिकाको नियमन क्षेत्राधिकार भित्र रहेका १०१ सहकारी मध्ये अहिलेसम्म मात्रै ३९ वडा सहकारीले अद्यावधिक गरेका छन् । 

सहकारीहरुले पुस मसान्तभित्र आफ्नो संस्थाको साधारण सभा गरी माघ १५ गतेसम्म विवरण अद्यावधिक गराईसक्नुपर्ने व्यवस्था छ । नगरपालिकाले यसअघि पनि अद्यावधिक गर्न सूचना प्रकाशन गरेको थियो । शुक्रबार फेरि अर्को सूचना प्रकाशन गर्दै चैत्र १५ गतेभित्र अद्यावधिक नगरेका सहकारीहरुलाई अद्यावधिक गर्न आग्रह गरेको छ  । अद्यावधिकका लागी सहकारीको वार्शिक प्रतिवेदन, लेखापरीक्षण, लेखा परिक्षण प्रतिवेदन र साधारण सभाको निर्णयको फोटोकपी वालिङ नगरपालिकाको सहकारी साखामा बुझाउनुपर्नेछ ।