समाचार
बिनाविलका अवैध सामान बरामद
रेडियो आँधीखोला
वालिङ, २७ चैत ।
अवैध सामानहरु प्रहरीले नियन्त्रणमा लिएको छ । गल्याङ नगरपालिका वडा नम्वर–०१ राम्दी स्थित सिद्धार्थ राजमार्गमा अस्थायी प्रहरी चौकी राम्दीबाट खटिएको प्रहरी टोलीले सवारी साधनहरू चेकजाँच गर्ने क्रममा भैरहवाबाट पोखरा जाँदै गरेको ग. १ क. ४५३९ नम्बरको मिनि ट्रकमा बिनाविलका सामानहरु बरामद गरेको हो ।
अन्दाजी मूल्य (एक लाख पाँचसय पैसठी) रुपैँयाको सामानहरु फेला पारी बरामद गरी थप अनुसन्धान तथा कानूनी कारवाही प्रक्रिया अगाडी बढाईएको जिल्ला प्रहरी कार्यालय स्याङ्जाले जनाएको छ ।
३ हजार पिस बिष्कुट, स्नुकर मिठाई २६४ पिस, बिष्कुट ८४० पिस, डेरि मिल्क मिठाई १८० पिस बरामद गरेको प्रहरीले जनाएको छ।
