समाचार
भोटेकोशी बाढीबाट १५ पालिकाका १६ हजारभन्दा बढी घरधुरी प्रभावित
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बाढी प्रभावित क्षेत्रमा रसुवा, नुवाकोट, धादिङ, गोरखा र चितवनका १५ पालिका रहेका छन् । बाढीबाट १६ हजार एक सय १० घरधुरीका ६४ हजार तीन सय ३५ जना प्रभावित भएका छन् । प्रत्यक्ष रूपमा बाढीबाट सात हजार पाँच सय ७० घरधुरी प्रभावित भएका छन् ।
प्रभावित जनसङ्ख्यामध्ये १६ हजार सात सय ६९ पुरुष र १६ हजार एक सय ९२ महिला रहेका छन् । रसुवामा चार पालिकाका १६ वटा वडा बाढीबाट प्रभावित भएका छन् । गोसाइँकुण्ड गाउँपालिकाका वडा नम्बर १, २, ३, ५ र ६ प्रभावित भएका छन् ।
यहाँ बाढीका कारण एक हजार तीन सय तीन घर तथा भवनमा क्षति पुगेको छ । ती क्षेत्रमा रहेका एक हजार चार सय ४४ घरधुरीका पाँच हजार सात सय ४३ जना प्रभावित भएका छन् । कालिका गाउँपालिका वडा नम्बर १ प्रभावित भएको छ ।
त्यहाँ एक सय १४ भवनमा क्षति पुगेको छ भने एक सय १९ घरधुरीका चार सय ९१ जना प्रभावित भएका छन् । त्यस्तै, आमाछोदिङ्मो गाउँपालिकाका वडा नम्बर १, २, ४ र ५ प्रभावित भएका छन् । यहाँ ७६ भवनमा क्षति पुगेको छ ।
एक सय ७७ घरधुरीमा रहेका तीन सय १३ जना प्रभावित भएका छन् । उत्तरगया गाउँपालिकाका वडा नम्बर १ देखि ५ सम्म प्रभावित भएका छन् । यहाँ ६ सय ६५ भवनमा क्षति पुगेको छ । ६ सय ९६ घरधुरीका दुई हजार सात सय १९ जना प्रभावित भएका छन् ।
नुवाकोटमा चार पालिकाकाका २१ वटा वडा प्रभावित भएका छन् । बेलकोटगढी नगरपालिकाका वडा नम्बर ५, ७ र ८ प्रभावित भएका छन् । त्यहाँ एक हजार ८३ भवनमा क्षति पुगेको छ । एक हजार एक सय २७ घरधुरीका चार हजार चार सय ८३ जना प्रभावित भएका छन् ।
विदुर नगरपालिकाका वडा नम्बर १, २, ३, ४, ५, ६, ७, ८, ९, १० र १२ प्रभावित भएका छन् । त्यहाँ पाँच हजार दुई सय २८ भवनमा क्षति पुगेको छ । पाँच हजार नौ सय २८ घरधुरीका २३ हजार दुई सय ३० जना प्रभावित भएका छन् । किस्पाङ गाउँपालिका वडा नम्बर ५ प्रभावित भएको छ । यहाँ नौ सय ६ भवनमा क्षति पुगेको छ ।
नौ सय ३९ घरधुरीका तीन हजार तीन सय ८२ जना प्रभावित भएका छन् । त्यस्तै, तारकेश्वर गाउँपालिकाका वडा नम्बर २ र ४ प्रभावित भएका छन् । यहाँ एक सय ७८ भवनमा क्षति पुगेको छ । एक सय ८५ घरधुरीका छ सय ६५
