समाचार
शनिबार पनि वालिङ बजार खुल्ला हुने
वालिङ, २७ भदौ ।
स्याङ्जाको वालिङ बजार शनिबारको दिन पनि खुल्ला हुने भएको छ । हरेक शनिबार बन्द हुँदै आएको बजार अबदेखि शनिबार पनि खुल्ला गरी व्यवसाय गर्न वालिङ उद्योग वाणिज्य संघले अनुरोध गरेको छ । नेपालीहरुको महान पर्वहरु हरितालिका तिज, दशैँ, तिहार, छठलगायतका पर्वहरुलाई मध्यनजर गर्दै आजदेखि शनिबार पनि खुल्ला गरी उपभोक्ताहरुलाई सेवा सुविधा प्रदान गर्न संघले आग्रह गरेको छ ।
त्यस्तै चाडपर्वको नाममा उपभोक्तालाई प्रभाव पार्ने काम नगर्न पनि संघले आग्रह गरेको छ । दैनिक उपभोग्य वस्तुमा अनावश्यक मुल्य वृद्धि, कालोबजारी, कृत्रिम अभाव सृजना नगर्न समेत संघले सचेत गराएको छ ।
